Haurongo

Kua hau ngā rongo o Kingi Kiriona (nō Ngāti Ruanui, Ngā​ti Kahungunu, Ngāti Apa) mō ā​na titonga waiata, mo āna mahi whaikōrero me āna mahi a Rēhia anō hoki.  I puta tuatahi ai tōna rongonui i te wā e kuraina tonutia ana ia,  ka eke ia ki ngā taumata whakaihuwaka o ngā whakataetae Manu Kōrero mō te wāhanga reo Māori me te wāhanga reo Pākeha.  Ko taua momo rā i kawea atu e ia ki ngā whakataetae kapa haka ā-rohe tatū atu ki Te Matatini. 

I te tau 2003, ko ia hoki tētehi i tīmatangia te kapa haka o Te Iti Kahurangi.  Ka mutu, i ōnā wā, he kaimahi hoki i roto i te ao pāpaho me te ao mātauranga.  Kua mōhio whānuitia a Kingi mō tana mau ki ngā tikanga Māori, me te whakamahi hoki i āna titonga hei wero atu i ngā take nui e hāngai ana ki te iwi Māori. Ko Kingi te kaiwhakahaere o tōna ake kamupene, o Tupu Ora. Ko āna titonga e kaha whakamahia ana e ngā tamariki o roto i ngā kura hei rauemi ako mā rātou.