Kaitito
Tīmoti Kāretu
1937 -
I whānau mai ai a Tīmoti Karetu i te tau 1937, he uri ia nō Ngāi Tūhoe rāua ko Ngāti Kahungunu. He mātanga ia o te reo Māori, he tohunga tito waiata, he tohunga hoki ia ki ngā waiata me ngā haka a tāua, a te Māori. Ka mutu, e mōhiotia whānuitia ana ia ki ngā tōpito o te ao mō tāna whakapeto ngoi ki te whakarauora i te reo Māori.
Ngā waiata a te kaitito
-
Whakaipuipu
Whakaipuipu mai rā te moana kei waho e
haere tonu
E āki kau ana ki Te Toka-namu-a-Mihi-marino
Ki uta rā, ki Pākirikiri e
Ko te rite o te wai kei aku... -
E nanawe ake ana i ahau
E nanawe ake ana i ahau
haere tonu
Te aroha, te mamae, te pōuri
Ki te ngako, ki te matū
O te ao Māori
5 E ngaro nei, e ngaro nei
Ki... -
E noho ana
E noho ana i te ranga māheuheu
haere tonu
Ka titiro whakarunga ki ngā whetū o te rangi
Āritarita noa , āritarita noa
Engari tē riro mai ki te kapu...
Aku kanohi kau
Ngā Kupu
Ko aku kanohi kau te whakahaere ana rā
runga i ngā hiwi
Engari tē kitea atu e au i te iringa o te
wai i te kamo
5 Te tohu o te aroha ki te hunga ka momotu
ki tawhiti
Nā rātou nei te kōrero,
'E tā mā, tangata i akona i te whare
Te tūnga ki te marae tau ana'
10 Tēnei au te tū nei i runga i te marae
Engari e kore e tau taku tū ki te kore
koutou, te hunga pakeke,
E āwhina mai i ahau ki te whakatutuki i
te kupu a te hunga mate
15 Mā koutou kē hoki e huaki mai ngā whare
pā, e homai ngā taonga
Kia pakari ai taku tū i roto i tēnei wā
Otirā, nā Pōtatau te kōrero ki a Tanirau,
'E Tā, kua tō te rā'
20 Ka whakahokia e Tanirau,
'E tō ana i te ahiahi, e ara ana i te ata'
Āe rā, e aku pakeke, kua tō haere te rā
o te ao tawhito
Kua ara mai ko te rā o te atatū hou
25 Nā reira i huri ai aku kanohi ki ō tātou
taumata whakahuahua
Kei reira he whakahau, he oranga mōku
Ahakoa pēhea te uaua, te taumaha o te
pīkaunga i ngā taonga nei
30 Ka tutuki tonu i ahau
Ko au hoki te uri o te hunga nā rātou nei
tēnei ōhākī,
'He nui maunga e kore e taea te whakaneke,
He nui ngaru moana, mā te ihu o te waka e wāhi'
NgÄ whakamÄrama
I te tau 1981 koinei te waiata ā-ringa i titoa mō ngā whakataetae whakanui i te whakawahinga o Te Ata-i-rangi-kaahu. Ko te rangi nā ngā akonga tonu.