Kaitito

Pēwhairangi, Te Kumeroa Ngoingoi (Ngoi)

Ngoi Pēwhairangi

1921 – 1985

I whānau ai a Te Kumeroa Ngoingoi Ngawai ki roto o Tokomaru i te 29 o Hakihea, i te tau 1921. E mōhiotia ana ia e ōna hoa, ko Ngoi. Ko Hori Ngawai rāua ko Wikitoria Te Karu ōna mātua, nō Tokomaru tōna matua, nō Ngāti Koi, nō Hauraki tōna whāea, ā, tokorima ngā tamariki, ko Ngoi te mātāmua. I tupu ai a Ngoi i roto i ngā tikanga o te hāhi Ringatū, ka mutu, nā ōna whanaunga, nā Huka Pohaera rāua ko Raiha Kamau ia i whāngaihia ki roto o Waiparapara. Ko tōna matua, he tangata kaha ki te mahi, ka mutu, he minita hoki ia o te hāhi Ringatū, ā, i tino tautokona e ia te Kotahitanga - tētahi kaupapa i tautokona hoki e Ngoi.

Pānui tonu

Ngā waiata a te kaitito
Te Ipukarea

Aku Raukura

  • Kaitito: Ngoi Pēwhairangi,
  • Tau: 1980 -
  • Momo: Waiata-ā-ringa
  • Namatoro: PEW006

Ngā Kupu

Hurihuri noa
Ka wawata noa
Hurihuri noa
Ka wawata noa
Kei te wawata ahau e
Mō aku ōhākī kia hoki mai
Te puna waiora o aku raukura taukurī e
Kua tae rā ki te wā e rapu ai ahau te oranga
Homai rā ki te kapu o aku ringa e
Ngā taonga aroha te mana e
Te aroha, te pono, te aroha (tūmanakotia rā)
Tūmanakotia rā hai tīpare mō tātou katoa
Ki te ao Pākehā e kore rawa e ngaro e hoa mā e
Ki te ao Pākehā e kore rawa e ngaro e hoa mā e