Kaua rā e huri noa

Kaitito

Pēwhairangi, Te Kumeroa Ngoingoi (Ngoi)

Ngoi Pēwhairangi

1921 – 1985

I whānau ai a Te Kumeroa Ngoingoi Ngawai ki roto o Tokomaru i te 29 o Hakihea, i te tau 1921. E mōhiotia ana ia e ōna hoa, ko Ngoi. Ko Hori Ngawai rāua ko Wikitoria Te Karu ōna mātua, nō Tokomaru tōna matua, nō Ngāti Koi, nō Hauraki tōna whāea, ā, tokorima ngā tamariki, ko Ngoi te mātāmua. I tupu ai a Ngoi i roto i ngā tikanga o te hāhi Ringatū, ka mutu, nā ōna whanaunga, nā Huka Pohaera rāua ko Raiha Kamau ia i whāngaihia ki roto o Waiparapara. Ko tōna matua, he tangata kaha ki te mahi, ka mutu, he minita hoki ia o te hāhi Ringatū, ā, i tino tautokona e ia te Kotahitanga - tētahi kaupapa i tautokona hoki e Ngoi.

Pānui tonu

Ngā waiata a te kaitito
Te Ipukarea

Kaua rā e huri noa

  • Kaitito: Ngoi Pēwhairangi,
  • Tau: 1980 -
  • Momo: Mōteatea - Waiata aroha
  • Namatoro: PEW004

Ngā Kupu

Kaua rā e huri noa
Kaua hei whakahāwea
Mā ō mahi ka kitea koe
E te ao, e tō iwi Māori
Kua puāwai rawa ngā purapura e
I ruia mai i ngā wā o tua whakarere
E toro nei ngā kāwai taura tangata
Hei hono i te aroha o ō tāua tīpuna
Te mana, te wehi – Aue!
Awhitia ngā taonga
Kei memeha kei ngaro
Kei tūkinotia e te ao
Puritia tō mana
Kei riro e
Kia mau, kia mau, auē