Kaitito

Pēwhairangi, Te Kumeroa Ngoingoi (Ngoi)

Ngoi Pēwhairangi

1921 – 1985

I whānau ai a Te Kumeroa Ngoingoi Ngawai ki roto o Tokomaru i te 29 o Hakihea, i te tau 1921. E mōhiotia ana ia e ōna hoa, ko Ngoi. Ko Hori Ngawai rāua ko Wikitoria Te Karu ōna mātua, nō Tokomaru tōna matua, nō Ngāti Koi, nō Hauraki tōna whāea, ā, tokorima ngā tamariki, ko Ngoi te mātāmua. I tupu ai a Ngoi i roto i ngā tikanga o te hāhi Ringatū, ka mutu, nā ōna whanaunga, nā Huka Pohaera rāua ko Raiha Kamau ia i whāngaihia ki roto o Waiparapara. Ko tōna matua, he tangata kaha ki te mahi, ka mutu, he minita hoki ia o te hāhi Ringatū, ā, i tino tautokona e ia te Kotahitanga - tētahi kaupapa i tautokona hoki e Ngoi.

Pānui tonu

Ngā waiata a te kaitito
Te Ipukarea

Kua Eke Rā Ngā Tūmanako

  • Kaitito: Ngoi Pēwhairangi,
  • Tau: 1980 -
  • Momo: Waiata-ā-ringa
  • Namatoro: PEW010

Ngā Kupu

Kua eke rā ngā tūmanako
Kua puāwai te reo Māori
I roto i ngā Kōhanga Reo
O Te Tai Rāwhiti
Nāhau rā e Iri te kōrero
Mō ngā tamariki tātou katoa
Hei whakahuihui mai

Kia kotahi rā ngā mātua
Tīpuna, mokopuna
Anei rā tō iwi Māori
Tautokotia te kaupapa
Hei tīpare ki te ao nei
Kōkiritia
Kōkiritia
Kōkiritia