Kaitito

Pēwhairangi, Te Kumeroa Ngoingoi (Ngoi)

Ngoi Pēwhairangi

1921 – 1985

I whānau ai a Te Kumeroa Ngoingoi Ngawai ki roto o Tokomaru i te 29 o Hakihea, i te tau 1921. E mōhiotia ana ia e ōna hoa, ko Ngoi. Ko Hori Ngawai rāua ko Wikitoria Te Karu ōna mātua, nō Tokomaru tōna matua, nō Ngāti Koi, nō Hauraki tōna whāea, ā, tokorima ngā tamariki, ko Ngoi te mātāmua. I tupu ai a Ngoi i roto i ngā tikanga o te hāhi Ringatū, ka mutu, nā ōna whanaunga, nā Huka Pohaera rāua ko Raiha Kamau ia i whāngaihia ki roto o Waiparapara. Ko tōna matua, he tangata kaha ki te mahi, ka mutu, he minita hoki ia o te hāhi Ringatū, ā, i tino tautokona e ia te Kotahitanga - tētahi kaupapa i tautokona hoki e Ngoi.

Pānui tonu

Ngā waiata a te kaitito
Te Ipukarea

Poi E

  • Kaitito: Ngoi Pēwhairangi,
  • Tau: 1980 -
  • Momo: Poi
  • Namatoro: PEW012

Ngā Kupu

E rere rā e taku poi porotiti
Tītahataha rā
Whakararuraru e
Porotakataka rā
Poro hurihuri mai
Rite tonu ki te tīwaiwaka e

Ka parepare rā
Pīoioi rā
Whakahekeheke e
Kia korikori e
Piki whakarunga rā
Mā muinga mai rā
Taku poi porotiti, taku poi e

Poi e, whakataka mai
Poi e, kaua he rerekē
Poi e, kia piri mai ki a au
Poi e, ka awhi mai rā
Poi e, tāpekatia mai
Poi e, o tāua aroha
Poi e, Paiheretia rā
Poi, taku poi e