Kaitito
Kīngi Kiriona
Kua hau ngā rongo o Kingi Kiriona (nō Ngāti Ruanui, Ngāti Kahungunu, Ngāti Apa) mō āna titonga waiata, mo āna mahi whaikōrero me āna mahi a Rēhia anō hoki. I puta tuatahi ai tōna rongonui i te wā e kuraina tonutia ana ia, ka eke ia ki ngā taumata whakaihuwaka o ngā whakataetae Manu Kōrero mō te wāhanga reo Māori me te wāhanga reo Pākeha. Ko taua momo rā i kawea atu e ia ki ngā whakataetae kapa haka ā-rohe tatū atu ki Te Matatini.
Ngā waiata a te kaitito
-
E Te Pouaka Whakaata Māori
E Te Pouaka Whakaata Māori!
Kāore koa taku hōhā
Te kūhīhī nei i roto i ahau
Ka ngau ki taku puku, a haha!5...
haere tonu -
Te Harihari Kōrero
Kua rongo rānei koe?
haere tonu
Kua wehe atu tana wahine
Kei te mahi tarau makere
Kua rongo rānei koe?
5 A... -
Te Piki Tūranga
Tērā koia ko Okewa
Te parekawakawa ki a Taupiri
Haea iho nei e te ata
Mōhou e taku Arikinui5...
haere tonu
Te Harihari Kōrero
Ngā Kupu
Kua rongo rānei koe?
Kua wehe atu tana wahine
Kei te mahi tarau makere
Kua rongo rānei koe?
5 A tēnā kua peke taiapa kē
Kua kuīni kuīni, e kare!
I ahu mai i te ngutu kuia
I te ika haehae kupenga
I te wahine pihareina e
10 Ko te nanakia rā
Ko te harihari kōrero
Nāwai i kōhimuhimu
Kātahi ka hē kē atu
Me taringa kirirua e
15 Nāwai i kōrero tika
Kātahi ka kōrero teka
Kaua e taringa hōkeke
Kua rongo rānei koe?
Kua tino tūpuhi rawa e
20 I te moe pūremu, tāhae
Kua rongo rānei koe?
A tēnā kua pukunati e
Kua hapū he pōriro, auē!
Mehemea koe ka whakarongo
25 Kaua rawa e whakapono
Kia pā te waha o te hoiho e
Mō te nanakia rā,
Ko te harihari kōrero
Mehemea mōu ngā kōrero
30 Me taringa kōhatu, taringa mārō
Ka whakarongo uka atu e
Kei noho ka hīrawerawe
Kia mau ki te rangimarie, me te aroha
NgÄ whakamÄrama
He whakautu tāunu tēnei poi, engari anō te rangi me tōna wairua, he ngahau, he hīanga, he whakanene. Te kaupapa ia, he whakaohiti i te kino o te waha rere, o te harihari kōrero. Ā, he whakatenatena i te hunga ka noho ko rātou te papa ki te mahi nei, kia mau ki te rangimārie me te aroha!
Rangi: Te Waipounamu Teinakore, Te Manawaroa Teinakore