Kaitito
Kīngi Kiriona
Kua hau ngā rongo o Kingi Kiriona (nō Ngāti Ruanui, Ngāti Kahungunu, Ngāti Apa) mō āna titonga waiata, mo āna mahi whaikōrero me āna mahi a Rēhia anō hoki. I puta tuatahi ai tōna rongonui i te wā e kuraina tonutia ana ia, ka eke ia ki ngā taumata whakaihuwaka o ngā whakataetae Manu Kōrero mō te wāhanga reo Māori me te wāhanga reo Pākeha. Ko taua momo rā i kawea atu e ia ki ngā whakataetae kapa haka ā-rohe tatū atu ki Te Matatini.
Ngā waiata a te kaitito
-
E Te Pouaka Whakaata Māori
E Te Pouaka Whakaata Māori!
Kāore koa taku hōhā
Te kūhīhī nei i roto i ahau
Ka ngau ki taku puku, a haha!5...
haere tonu -
Te Harihari Kōrero
Kua rongo rānei koe?
haere tonu
Kua wehe atu tana wahine
Kei te mahi tarau makere
Kua rongo rānei koe?
5 A... -
Te Piki Tūranga
Tērā koia ko Okewa
Te parekawakawa ki a Taupiri
Haea iho nei e te ata
Mōhou e taku Arikinui5...
haere tonu
Te Piki Tūranga
Ngā Kupu
Tērā koia ko Okewa
Te parekawakawa ki a Taupiri
Haea iho nei e te ata
Mōhou e taku Arikinui
5 He rā hou tēnei ka ura
Te kākahu o te mate
Ka unuhia ki runga ki a koe
E te piki tūranga e
(Kōrihi)
E te piki kōtuku
10 E te piki tūranga
Ea ana te kōrero:
‘He rā e tō, he rā e ara mai anō’
Whitikina mai rā
E Kīngi Tūheitia
15 Tērā koia te tuwhera
Te poho o te rangi e
Mārama rawa nei te whenua
He ariki whetū nui e
Te Atairangikaahu
20 Tē rehu ki te rua e
Ramaroa nei te ara
E te piki tūranga e
Nō reira rā e te hononga o ngā aho ariki
Pupuru ana i ngā wawata o te iwi
25 Nei te aroha (tērā koia ko Okewa)
Nei te aroha (tērā koia te tuwhera)
Tū tonu mai rā e te piki tūranga e
NgÄ whakamÄrama
He mea tito hei whakanui i te whakawahinga o Kīngi Tūheitia ki te kupu tapu, i te marama o Akuhata 2007.
Rangi: Te Waipounamu Teinakore, Te Manawaroa Teinakore